دايما بفكر في حكمة ربنا في توقيت النعم او الابتلاء لقيت ان انسب وقت حتى لو عقلي مش مدرك ساعتها هو اللي ربنا بيختارهولنا.

مثلا ايه حكمة واحدة اتجوزت بدري و خلفت متأخر و اللي اتجوزت متأخر خلفت على طول؛ واحدة ربنا عالم مش قدرتها تستنى الجواز و التانية مش قدرتها تستنى الخلفة.

واحد اول ما اتخرج اشتغل و التاني اشتغل بعديه بكتير بس مرتبه كبير؛ واحد مش هيستحمل قلة الشغل و لو بمرتب صغير و التاني اشتغل و ربنا عوضه بمرتب كبير على طول.

واحدة بتحاول في الخلفة و تسقط طب ليه ما ممكن يثبت من اول يوم بس لسه ربنا مأذنش بس حب يصبرها ان الحمل بيحصل متقلقيش كله في ميعاده.

الفلوس لو كانت جت دلوقتي كانت هتفسدك بس بعد شوية هتصرفها في الاماكن الصح.

متعرفتش على فلان ده ليه من الاول مكنتش هتعرف قيمته ساعتها.

طب الابتلاء ليه جه دلوقتي لان ربنا من غير ما تحس بيأهلك انك تتحمله لو كان قبل او بعد مكنتش هتستحمل.

ساعات النعم بتيجي مع الابتلاءات عشان تلهينا عنها و تطبطب علينا..

لازم الواحد يقعد يتدبر في حكمة ربنا عشان يوصل للرضا بالمقسوم.

ربنا عالم بحالك و اللي محتاجه

(ونحن اقرب اليه من حبل الوريد)

*خواطر لانسانة عادية تصيب و تخطأ تحاول من تحسين نفسها و ابلاغ كلمة لعلك تستطيع ان تتحسن اكثر ممًآ تٌظُنِ

👈بًقُلَمً آلَآخِصّآئيَةّ آلَنِفُسِيَةّ أ/وٌردٍةّ  مًحًمًوٌدٍ 🌺🌹