فضيحه, الكلمه ديه مرعبه جدا لأي شخص وفي وجهة نظري اننا كلنا عندنا فضايح بس الفرق ان في واحد سترو خلص او محتاج يتأدب شويه اما بقا الناس اللي لسه محصلهاش الشرف الدميم ده فا أتمني ميحصلهمش ويفضل الستر هو حصنهم في الايام ديه, المهم كنت بعمل بحث عن شئ معين لقيت  الكلمه ديه ظهرت الغريبه او اللي انا اول مره اخد بالي منو كميه المشاهدات بالملاين علي كل الفديوهات او الاخبار اللي بتذكر فيها الكلمه ديه , الناس بقت غريبه جدا بيتصيدو لبعض وواقفين علي نار مستنين اي واحد بيقع تحت مصطلح البني ادم انو يتشال من عليه الستر  ويتفرجو ويشمتو, اللي انا متأكد منو ان الفضيحه ذات نفسها مش مثيره جدا فعين المشاهد الاثاره الحقيقيه في دماغو اللي هتبني حوديت علي حته فضيحه صغيره ممكن يكون هو فضيحتو اكبر ولكن القاعده الوحيده اللي مش هتتغير عند كل بني أدم ان هو الاشرف ,السوشيل ميديا حولتنا لناس بتتبع عورات بعضها وبندور عليها , لكن عندنا في مصر حاجه جميله جدا بس مش عارف هي جايه من فطرتنا ولا عشان الدين هو اللي قال عليها , وهي ان اول ما الواحد يموت اذكر احلي صفاتو ومتذمش فيه ولكن المعني ده والحاجه الجميله ديه هتضيع تحت اقدام الاجيال الجديده ومش هتفرق الدين ولا الفطره  اللي قالت .